sábado, 28 de agosto de 2010

Falco naumanni no Suído

Onte Venres, fixen unha visita rápida pola serra do Suído. Nada máis chegar polas zonas altas da serra xa se deixaban ver grupos de Lagarteiro (Falco tinnunculus). Notábase un incremento de exemplares con respecto a xornadas anteriores e isto animoume a buscar entre eles por si saltaba a lebre e atopaba outra anela. E si, saltou. En forma de Lagarteiro das torres (Falco naumanni). Que curioso, o outro día buscando algún naumanni atopo un tinnunculus anelado. Onte buscando un tinnunculus anelado atopo un naumanni.

Unhas fotos testemuñais do exemplar.

Eu teño moi pouca experiencia con esta especie e aínda que se aprecia a tonalidade máis clara con respecto a F. tinnunculus e ausencia de bigote, non me din satisfeito ata verlle as uñas claras, sendo este un dato inequívoco.


Seguiremos buscando.

2 comentarios:

Cosme Damian Romai Cousido dijo...

Parabéns Óscar!

"El que la sigue la consigue"

Apertas,
Damián

Óscar M. Roza dijo...

Aveces si, aveces non.

¡Non hai tantos coma en Lugo, pero aquí é cousa nova!

Un saúdo. Este Luns seguía pola zona.